lunedì 23 settembre 2024
Ecco la seconda parte della fiaba
Camina, camina, la gioini si pirdìu ‘ntra ‘nu oscu e, quannu
si feci scuru do t’acchi, si firmou sott’a ‘n’arvulu e zziccou a chianciri: »Matonna mia Tu m’ha jutari, ca m’aggiu pirduta e no canoscu cchiui la strata!».
si feci scuru do t’acchi, si firmou sott’a ‘n’arvulu e zziccou a chianciri: »Matonna mia Tu m’ha jutari, ca m’aggiu pirduta e no canoscu cchiui la strata!». A cuddu mumentu, eddi ti luntanu ‘na lucirnedda piccinna, piccinna. Zziccou a caminari e beddi ca era ‘na casa. Allora si fermou e tuzzou alla porta: «Ntu, ntu!».
«Ci eti ca gira ‘ntra sta notti ti malitiempu?» risposi ‘na oci ti intra.
«Apri, apri ca sontu ‘na santa cristiana!» tissi la gioini.
«Ci sinti ‘na santa cristiana, fatti lu santu segnu ti la croci!» risposi arretu la oci ti intra.
«Patri, Fiju e Spiritu Santu.» critou la gioini e, allora, la porta si apprìu.
Si ‘nfacciou ‘nu ecchiu cu la barba longa ca tissi. «Ci hai acchiannu fija mia?». E quedda risposi: «nunnu, ju aggi’a truari lu rei ti la culonna, ce sai la strata?>.
Quannu ‘ntesi cussini lu ecchiu li tissi: <Trasi fija mia, mancia ‘ncuna cosa e ripositi, ca puei, crammatina, ti fazzu etiri la strata ca ha fari.».
La matina toppu, prima cu si salutunu, lu ecchiu li spiecou la strata e li tissi: «Prima cu arrìi do lu rei ti la culonna, tu ha truari ‘n’otru ecchiu cchiù granni ti mei, ca jabbita cchiù nanti, fermiti puru do iddu.».
Puei li tessi ‘na noci e li tissi: «Questa tienitila rruccata e cazzila sulu allu mumentu ti lu bisuegnu…».
La gioini lu ringraziou e, prima cu parti, lu dummannou: «Quanti anni tieni, nonnu?».
«Eh, fija mia» risposi lu ecchiu «tegnu cient’anni!». E cussì si salutarunu e edda partìu.
Camina, camina, la gioini si pirdìu arretu ‘ntra ‘nu oscu e si feci scuru. Allora zziccou a chianciri: «Matonna mia Tu m’ha jutari, ca m’aggiu pirduta e no canoscu cchiui la strata!».
Quannu stà chiancìa, eddi ti luntanu ‘n’otra lucirnedda. Zziccou a caminari e bbeddi ca era ‘na casa. Si fermou e tuzzou alla porta: «Ntu, ntu!».
«Ci eti ca gira ‘ntra sta notti ti malitiempu?» risposi ‘na oci ti intra.
«Apri, apri ca sontu ‘na santa cristiana!» tissi la gioini.
«Ci sinti ‘na santa cristiana, fatti lu santu segnu ti la croci!» risposi arretu la oci ti intra.
«Patri, Fiju e Spiritu Santu.» critou la gioini e, allora, la porta si apprìu.
Si ‘nfacciou ‘nu ecchiu cu ‘na barba ancora cchiù longa ca tissi. «Ci hai acchiannu fija mia?». E quedda risposi: «nunnu, ju aggi’a truari lu rei ti la culonna, ce sai la strata?».
Quannu ‘ntesi cussini lu ecchiu li tissi: «Trasi fija mia, mancia ‘ncuna cosa e difreschiti, ca puei, crammatina, ti fazzu etiri la strata ca ha fari».
La matina toppu, prima cu si salutunu, ‘st’otru ecchiu li spiecou la strata e li tissi: «Prima cu arrìi do lu rei ti la colonna, tu ha truari ‘n’otru ecchiu cchiù granni ti mei, ca jabbita cchiù nanti, fermiti puru do iddu.».
Puei li tessi ‘na nucedda e li tissi: «Questa tienitila rruccata e cazzila sulu allu mumentu ti lu bisuegnu…».
La gioini lu ringraziou e, prima cu parti, lu dummannou: «Quanti anni tieni, nonnu?».
«Eh, fija mia» risposi lu ecchiu «tegnu cientucinquant’anni!». E cussì si salutarunu e edda partìu.
Camina, camina, la gioini si pirdìu ancora e si mesi a chianciri: «Matonna mia Tu m’ha jutari, ca m’aggiu pirduta e no canoscu cchiui la strata!».
Ti luntanu eddi arretu ‘na lucirnedda piccinna, piccinna. Si mesi a caminari e beddi ca era ‘na casa. Allora si firmou e tuzzou alla porta: «Ntu, ntu!».
«Ci eti ca gira ‘ntra sta notti ti malitiempu?» risposi ‘na oci ti intra.
«Apri, apri ca sontu ‘na santa cristiana!» tissi la gioini.
«Ci sinti ‘na santa cristiana, fatti lu santu segnu ti la croci!» risposi arretu la oci ti intra.
«Patri, Fiju e Spiritu Santu» critou la gioini e, allora, la porta si apprìu.
Si ‘nfacciou ‘nu ecchiu cu la barba longa fign’alli pieti ca tissi. «Ci hai acchiannu fija mia?». E quedda risposi: «nunnu, ju aggi’a truari lu rei ti la culonna, ce sai la strata?».
Quannu ‘ntesi cussini lu ecchiu li tissi: «Trasi fija mia, mancia ‘ncuna cosa e ripositi, ca puei, crammatina, ti mmosciu la strata ca ha fari».
La matina toppu, prima cu si salutunu, lu ecchiu li feci etiri la strata e li tissi: «’Sta strata porta allu Paisi ti lu rei ti la culonna, quantu arrìi tu ha truari ‘nu palazzu cu ‘nu cancellu ti nanti, ca no stai mai fermu e sempri si apri e si chiuti. Statti attienta ca a cuddu cancellu onnu muerti moti crisitiani. Tuni, pi trasìri, ‘nfiliti quannu lu cancellu si stà chiuti!».
Li tessi puei ‘na mennula e li tissi: «Questa tienitila rruccata e cazzila sulu allu mumentu ti lu veru bisuegnu…».
La gioini ringraziou lu ecchiu e, prima cu parti, lu dummannou: «Quanti anni tieni, nonnu?».
«Eh, fija mia» risposi lu ecchiu «tegnu tocient’anni!». Allora si salutarunu e edda partìu.
(Continua.)
Giuseppe Pio Capogrosso
Condividi
Notizie che potrebbero interessarti
MANDURIA - Il Segnalibro, a cura di Archeoclub: 'Grandi Regine', di Roberto Piumini, Mondadori 2014...
I versi riportati dall’autore alla fine di ogni biografia
Come anticipato nel precedente articolo (disponibile al seguente link... leggi
Il Segnalibro, a cura di Archeoclub: 'Grandi Regine' di Roberto Piumini, Mondadori 2014
Propone un intrigante percorso attraverso le maglie della Storia, nelle quali hanno vissuto e operato otto grandi figure di donne prima e di regine poi, ognuna delle quali... leggi
MANDURIA - ArcheOrizzonti, a cura di Archeoclub: via ... Paul Bourget
Nuove denominazioni di strade e piazze si aggiungono a quelle già esistenti, alcune delle quali poco conosciute. Ecco perché una via di Manduria è stata... leggi
MANDURIA - Presentato il dipinto 'Ultima cena', opera del noto pittore locale Diego Oronzo Bianco,...
L’evento si inserisce nel programma delle lebrazioni relative al 550° anniversario della fondazione del convento di San Francesco a Manduria
Continuano le... leggi
MANDURIA - Il libro 'Il bimbo n° 1337' di Cosimo Claudio Carrozzo è in vendita anche negli Mondadori...
Scritto con un linguaggio narrativo adatto ai bambini, ma la storia del protagonista, Gioele, ha catturato anche l’attenzione degli adulti
“Il Bimbo n°... leggi
Cucina d'asporto e Catering
con Consegna a domicilio
con Consegna a domicilio